قوارب البطاطس المحشية بالجبنة والخضار

مقادير قوارب البطاطس بالجبنة والخضار :

2 بطاطس

زيت زيتون

كوب جبنة شيدر

2 معلقة كبيرة زبدة

2 معلقة كبيرة دقيق

2 فص ثوم مفروم

2 كوب حليب

1/2 كوب بقدونس

كورن فلكس مفروم

مرقة ماجى

===========

طريقة قوارب البطاطس بالجبنة والخضار :

ندهن البطاطس بزيت الزيتون وحطها فى صينية ونغطيها بالفويل وندخلها الفرن لمدة ساعه

نطلعها ونسمها بالنص ونفضى كل واحدة من النص بشويش علشان منقطعهاش ونسيب بطاطس قليلة فى الجوانب (تبقى شبه القارب)

نحطها تانى فى صينية  مقلوبة لمدة 10 دقايق لغاية ماتنشف شوية وتبقى مقرمشة

قوارب البطاطس المحشية بالجبنة والخضار قوارب البطاطس المحشية بالجبنة والخضار

نجهز الحشوة

نحط الزبدة والدقيق ونقلبهم كويس ونضيف الثوم ونقلب لمدة دقيقة ونضيف عليهم الجبنة الشيدر كلها ونقلب لغاية مالجبنة تسيح وتتجانس مع الخليط

ونضيف عليهم اللبن ونقلب كويس لغاية مالخليط يتماسك

ونضيف عليهم البقدونس ونقلب ونرفعهم من على النار

قوارب البطاطس المحشية بالجبنة والخضار قوارب البطاطس المحشية بالجبنة والخضار قوارب البطاطس المحشية بالجبنة والخضار قوارب البطاطس المحشية بالجبنة والخضار

نجيب كل قارب بطاطس ونحط فيه جزء من الحشوة ونرش شوية كورن فلكس  على الوش ونرضهم فى صينية وندهن الوش بزيت زيتون وندخله الفرن لمدة ربع ساعه او لغاية مايحمر الوش

ولما يطلع يتقدم :)

لو أعجبتك الوصفة عرفي كل أصحابك وانشريها

نبذة قصيرة عن اسراء جلال

اسراء جلال مدونة و مصورة مصرية خريجة ادارة اعمال اكاديمية السادات بعشق بلدى مصر و بحب الحرية وبسعى ليها وبحب الكتابة جدا والدعوة لله تعالى والعمل التطوعى وبعشق التصوير و الطبخ جدا جدا جدا حقانيه جدا واكتر حاجه اكرهها فى حياتى هى الظلم احلامى كتير وبتمنى انى احققها كلها

أضف تعليق

Connect with:

لن يتم نشر عنوان بريدك الإلكتروني. الحقول الإلزامية مشار إليها بـ *


*