فراخ محشية شعرية

     

مقادير فراخ محشية شعرية

============
كيس شعرية
1/2 ك قوانص وكبدة فراخ
2 فراخ الواحده وزنها كيلو تقريبا
زبدة و زيت دوار الشمس
قرفة-فلفل اسود-ملح-كمون-كزبرة
مرقة ماجى
1/2 2 كوب ماء
بصلة مفرومة
3 فصوص ثوم مفروم
——————

فراخ محشيةطريقة الفراخ المحشية شعرية

————

نحط فى حلة لوحدها معلقتين زبدة كبير ومعلقة زيت ونحط الشعرية كلها تتحمر لغاية مالونوها يبقى دهبى
فى حلة تانيه نضيف معلقتين زيدة كبير + معلقة زيت نسخنهم على

 

النار نحمر البصل والثوم لغاية مالونهم ذهبى

نضيف القوانص ونشوحهم كويس لمدة تلات دقايق ونضيف بعدها الكبدة
ونشوحهم لغاية مايتحمروا خفيف
نضيف الشعرية على الكبدة والقوانص ونقلب كويس

 

ونضيف التوابل والماجى والماية ونسيبها لغاية ماتتشرب وننقلها لعين

فراخ محشية

صغيرة هادية على صاجة ونسيبها عشر دقايق لغاية ماتستوى
نتبل الفراخ بالملح والفلفل

ونبتدى نحشيها كويس بخليط الشعرية اللى عملناه
ونقفلها كلاتى

جوانح الفراخ نثبتها بخلة الااسنان ونقفل ناحية الرقبة بالخلة برده
والفتحة اللى حشينا منها نقفلها بالخلة برده
ونربط دبابيس الفراخ بالخيط ونتبل زبدة تكون سايحة بالتوابل اللى بتحبوها وندهن بيها الفراخ كويس

 

ونحطهم فى الصينية على الشبكة اللى فى النص وندخلهم الفرن على اعلى درجة لغاية ماتستوى ويحمر الوش

 

 

 

فراخ محشية

 

 

فراخ محشية

 

avatar

نبذة قصيرة عن اسراء جلال

اسراء جلال مدونة و مصورة مصرية خريجة ادارة اعمال اكاديمية السادات بعشق بلدى مصر و بحب الحرية وبسعى ليها وبحب الكتابة جدا والدعوة لله تعالى والعمل التطوعى وبعشق التصوير و الطبخ جدا جدا جدا حقانيه جدا واكتر حاجه اكرهها فى حياتى هى الظلم احلامى كتير وبتمنى انى احققها كلها

أضف تعليق

Connect with:

لن يتم نشر عنوان بريدك الإلكتروني. الحقول الإلزامية مشار إليها بـ *


*