ممبار محشي

ممبار , ممبار محشي , ممبار بالصور

الممبار و الكرشة و الفشة والأكلات دي فيه ناس مش بتحبها وناس بتموووووووت فيها زي حالاتي كدة

عشان كدة النهاردة أنا عملتلكم أحد أنواع المحاشي اللي أنا بحبها ممبار محشي وعايزة أعرف تجاربكم معاه

وهل أولادك بيحبوا الممبار ولا لأ وايه الطريقة اللي بتعملى الممبار بيها مستنيين ردودكم يلا بينا نبدأ :)

ممبار محشي

المقادير :
– كيلو ممبار ( مصدر موثوق أو تكونوا انتوا اللي دابحين )
– نص كيلو رز
– بصلتين كبار
– 3 معالق عصير الطماطم
– صلصة طماطم
– ملح وفلفل وبهارات وكمون
– حزمة بقدونس وشبت كبيرة وكسبرة خضراء

الطريقة :
– نقلي البصل في الزيت لغاية ما يدبل
– نضيف عصير الطماطم والملح والفلفل والبهارات والكمون
– نسيبها على النار لما تتسبك وبعدين نضيفها على الرز والخضرة المتقطعة
– تجهزي الممبار كويس ومش هقلكم على تنضيفه بقة لازم من على الوجهين وكمان تغسليه بملح ودقيق
– تحشي الممبار بس تخلي بالك انه ميتمليش للآخر عشان الرز لما بيستوي بينفش وده ممكن تشوفيه من الصور
– نسلق الممبار في ماء مغلي (لازم نغلي الماء الأول) ونضيف له ملح وفلفل وورق لورا وحبهان وكمون
– بعد ما يستوي الممبار كويس نحمره في الزيت وبالهنا

ممبار محشي

والشفا

وبكدة تكوني عملتلهم أحلى ممبار محشي

ممبار محشي

::: كمان ضفنالك أحلى أكلة كرشة عشان تعمليها كمان مع الممبار

وكوني محترفة مع طبق اليوم

لو أعجبتك الوصفة عرفي كل أصحابك وانشريها

أضف تعليق

Connect with:

لن يتم نشر عنوان بريدك الإلكتروني. الحقول الإلزامية مشار إليها بـ *


*